我們每分每秒都在呼吸，但你可知道原來呼吸也有特別的技巧嗎？
人生就好似一間酒店 每一日都有新嘅客人嚟check in 開心會嚟 沮喪會嚟 滿足或者失望 隨時都會搵上門...... 當晦暗嘅諗法 甚至係惡意嚟到嘅時候 你要做嘅，就係喺門前開心咁迎接，歡迎佢哋大駕光臨 文章節錄自 The Guest House by Jalaluddin Rumi (由本文作者翻譯)
腦袋嘅工作就係思考，佢總係會諗得太多。從一個想法跳到另一個想法，從一個情緒跳到另一個情緒。有時唔到我哋控制，幾乎冇停過。
不同嘅情緒會突然來襲，都係普通人正常不過嘅事，最重要係掌握呼吸嘅小技巧，當下接受及緩和情緒。有人話呢種呼吸練習係注專力練習，冇錯，要用注專力將意識帶到而家嘅狀態。記著只需3分鐘，注專一呼一吸，便可以調節心理。你搭巴士可以試吓，等開會可以試吓，未瞓著都可以試吓！
3分鐘呼吸空間
注意：無論你坐喺度定係企喺度，慢慢調整姿勢，脊椎挺直而舒適，合上雙眼或微微向下望。
- 第一步 （大約1分鐘）
將注意力專注到而家存在嘅任何事物、想法同感受；帶住“呢一刻就係咁樣”嘅想法”，慢慢呼吸
- 第二步（大約1分鐘）
將注意力專注到呼吸，留意一吸一呼、身體一起一伏。走咗神？冇問題！由頭嚟過，再次專注到呼吸，繼續
- 第三步（大約1分鐘）
將注意力從呼吸，擴展到全個身體，好似成個身體一齊吸呼，觀察整個身體嘅感覺
你已經完成！慢慢打開眼，伸展吓，繼續你原本做緊嘅嘢！
大家也可參考以下這個練習 （短片來源：330 newlife）
相關文章
