Me time 完畢歸家後，師奶如何把好心情延續下去？如何連帶核心人物們都一齊甜美？周游重拾做酸種麵包嘅樂趣，三位師奶分享用十隻手指做手工嘅觸感同觸動。

我哋呢類算做有啲學歷同人生經歷嘅師奶，對MeTime 嘅期盼都唔係人咁品。 今集我地傾到精神上嘅detox，心靈上嘅spa。 周游早輪覺得係時候畀自己唞啖大氣，去咗一行禪師創立嘅法國梅村Plum Village，學習加練習活在當下嘅真正可行方法，返到屋企之後同燙衫煮飯做番朋友。Carmen 又分享美國天主教神父Richard Rohr 提倡唔好齋講要行動去改變嘅理念。Lilian 喺Toronto 參加過嘅Mind Camp，遇到嘅無私分享震撼佢身心。

可能係天生嘅母性，加上社會嘅不明文規定，女人成日要做「包底王」！上有爸爸媽媽老爺奶奶要服侍，對下又有仔女毛孩植物要照顧，再加埋身邊嗰個，真係好唔得閒。但一講到Me Time，無名嘅罪疚感又會湧上心頭。究竟女人點樣可以走出呢個凡事都攬晒上身嘅困局呢？