香港政府要搞「夜繽紛」振興經濟，我哋三個師奶都有好多諗頭可以搞好夜經濟！不過師奶聚頭，當然少不了要吹吓水先。今次就由飲鐵打酒（冇錯，係飲！唔係捽呀！死未！）吹到名牌夜墟！

梁朝偉得獎零負評，點解嘅？ 今集自修室，Carmen唔拋書包，同Lilian一齊食花生，噏吓如果係其他香港影帝獲獎，又會唔會一如梁朝偉零負評？

好多人以為係人都可以做YouTuber， 淨係用把口噏噏下就得，點解小醉俠偏向虎山行？往往要用半年做資料搜集，要將所有資料變成常恆知識，先可以鍊成一條短短二十分鐘的短片。 小醉俠永遠唔覺唔覺就做得太認真， 但就俾人話佢講埋啲無謂嘢。佢話自己嘅付出，正常人實在冇可能明白。 到底今時今日喺香港講法理，有幾無謂？

邊個唔想人人都鍾意自己？ 聽到自己有haters， 一般反應都係：“唔好理佢地囉！”，我地以為Hebeface講起haters會好勞氣，點知佢話，俾人講兩句係好合理，係人嘅經歷過程… 有呢D胸襟，HEBEFACE真係性格係好好嘅人。

呢幾年實在太多人移民英國，幾年間已經有人回流, 亦有人依然排着隊去。 今集 [Flo自修室] 帶嚟嘉賓主持Florence，同我哋分享佢喺英國從頭再搵工、返工、適應新生活之下，點樣調節自己心態的實戰經驗。

今集Flo加個mean girl 有要事宣布： 【mean girl 信箱】亦正式上線啦。 以後各位同學仔有咩情緒上嘅頭暈身㷫， 都歡迎DM我哋，【mean girl 信箱】會逐一回答。 今集我哋嘅主題係--DIE WITH ZERO， 點為之人生零遺憾？大膽早享受?

我哋細個沉醉童話，長大後，童話世界漫漫淹滅。你的童話世界是何時完結的？今集我哋帶嚟暗黑繪本作家奈樂樂。用童話的畫風，控訴現實不同程度的暗黑。暗黑嘅作家， 係唔係語帶憂鬱？聽完呢集podcast你就知道。

今集Flo加個mean girl 提醒吓大家一定要與時並進，唔好做 out 咗而不自知的老 seafood。要 in 定要 out，其實最終都係講心態。

Sam先生可能係香港最有使命感的YouTuber! 用足七日整一條片，唔計花時間睇套戲，寫稿、拍攝、剪接、睇留言、答留言，仲久不久做live， 同埋港產導讀，冇錯，做足七個鐘頭live。雖則YouTuber係有廣告費收，但係呢度火，唔係個個都有。 就係呢度火，值得我哋支持Sam先生支持港產片。（ BTW， Sam先生實質係愛妻號，由訪問頭到尾，都不忘提及佢老婆同仔仔。） 聽完個podcast，你會再鍾意再鍾意Sam先生多啲！

兩個人相處總有意見分歧嘅時候，但如果成日嗌交，始終會傷感情。咁究竟夫妻相處點樣可以做到細水長流？結婚係咪就必然幸福呢？有得揀，你下一世又會點揀呢？

含蓄原來不嚴肅！ 擅於藉着畫作處理香港人傷痛寂寞無奈離別的情緒，可以大義懍然， 然而治癒系藝術家含蓄沒有披上神聖的光環， 還會侃侃自嘲。 由讀書時期成功逃避DSE考試、 毅然由建築師轉職自由身畫公仔、到今天在不同國家尋找香港人在他鄉的故事， 對於含蓄而言，從來不是處心積慮，只是活在當下。

除非唔係，一定係因為月圓兼人在異鄉，三個師奶今集披上感性的睡衣，傾起中年人生面對溝通的種種：社交平台當初暢通無國界到家陣要因住因住，imposter syndrome 嘅作怪，身為女人驚自己突出抑或追唔上，同死黨分享但遇上對方反應冷淡嘅心情。 師奶的疑惑越夜越大疊：年紀加埋呢幾年世情可以點紓？倖存者心態可以點繼續?self censor可以有幾hurt? 對朋友嘅期望去咗邊? 要平常心面對抑或搵番啲有去共同經歷嘅朋友? 家庭主婦想返工背後嘅未了結定係怕被judge? 自我懷疑到天光咁滯！

對於中醫，我哋有相當迷思。 中女成日躁底，係咪飲涼茶就得呢？今次介紹Flo Women's Club新co-host 中醫師Catherine Too, 話俾我哋躁底點搞 。 請多多支持《Flo問問Too醫師》! 同埋掌聲鼓勵周游入型入格的聲演 ！（死未？）

有個英文字，Unsung hero，意指社會上嘅小人物，往往不會受歌頌，credit，最終會落在大人物身上。IG“炭燒地盤佬”決心要為地盤工友發聲，把地盤圍欄內發生嘅每一件小事、每一個小人物，帶到大家手機螢幕面前。

登登登櫈！我哋今集請嚟另一個podcast「召喚英文系精英與廢青」嘅兩個主持Sylvia同Mandy，同我哋做個聯成crossover，講吓大家遇過嘅女老闆，究竟係一如傳說中咁難頂，定係其實女老闆好跟過男老闆呢？

香港今天的詐騙問題非常嚴重，平均每20分鐘就有一宗騙案發生，受害人已不再只是最易中伏的老人家、新移民，而是不分年齡、學歷、閱歷、職業、智商，由平民到精英、由山腳到山頂、由幾百到幾億，一樣呃得到。

周游講得啱， 八婆好可能係呢個世界最大嘅族群。今集師奶吹暖水第六集， 為慶祝三八婦女節，大家決定以八婆為主題， 吹遍Google search，chatgpt， midjourney…, 原來大家都係柯南小偵探上身。

我地今集加個mean girl 男主持Denny, 掌聲鼓勵!!!（Denny， 你好好笑啊！） 最近嘅蔡天鳳肢解案相信令大家感到心寒， 無論案情未來怎樣發展， 大家都應該會認同「做人真係要帶眼識人，唔好太易信人。」好！ 今集就同大家傾傾網絡KOL涵寶寶新書“喜歡不了自己，那就從不討厭開始”內所列出七種有毒的朋友。

近年好多人喜歡用 growth mindset 這個 buzzword，但其實甚麼為之 growth mindset？甚麼是 fixed mindset？肯學習、肯進修便代表有 growth mindset？Growth mindset 同 Grit 又有甚麼分別？

師奶講情人節，浪漫欠奉，最緊要實際。但師奶都曾經係少女，都對愛情有過幻想，而且唔係一般嘅白日夢，而係⋯⋯綺夢！

趁仲係新正頭，周游、Lilian同Carmen 三個師奶繼續狂吹不息，今集又嚟講新年，講嘢食，講童年。但吹吓吹吓，竟然講埋厠所文化！正所謂有入就有出，咁就順便祝大家出入平安！恭喜發財！

甚麼是無禮貌？甚麼是惡意批評？有時候的確很難畫清界線。今集Lilian 同 Carmen 嘗試用 Harvard Business Review 的一篇報導，看看可以怎樣面對這些負面的批評。

新年快樂！新年總是充滿希望，很多人都會定下一大堆計劃，但數據顯示，絕大部分人都不能實踐這些大計。但我們就是不信邪，今集特別找來周游作客席主持，一齊解構如何可以成功達到新年大計！

今集中醫師Catherine Too 繼續解謎中醫，為我們解答一直想問但係又唔敢問嘅問題：中醫師點樣幫自己揀中醫？中醫喺邊度進修？中醫點樣搵工？中醫點樣搵錢？差唔多有100個問題，因為我們對中醫實在有太多迷思，亦感謝Catherine無私為我們解疑。

由心理學家 Kristin Neff 去年出版的書 FIERCE SELF-COMPASSION: HOW WOMEN CAN HARNESS KINDNESS TO SPEAK UP, CLAIM THEIR POWER, AND THRIVE ，講到另一個心理學家 Brene Brown 最受歡迎的 TED Talk "Power of Vulnerability"， 再講到 Ted Talks 的 best practices，今集 Carmen 同 Lilian 會一邊同大家玩心理測驗，一邊分享她們對自我同情和脆弱的力量的想法。

豆腐狗狗係打鼓嶺狗場虐狗案的倖存狗。 主人Maggie經細心思量後，決定喺SPCA將豆腐領養回家。 但係，一隻有創傷後遺症嘅狗狗， 到底Maggie 做咗啲乜去幫豆腐對人類同埋呢個世界重新建立信心同埋適應力？ 今日大家見豆腐咁得意，究竟係Maggie transform 左豆腐，定係豆腐 transform 咗Maggie同佢屋企人？

作家周游千禧年前嫁雞隨雞，由新界大埔移民到瑞典西岸。前半生做廣告創作，來到瑞典之後，全職湊女邊煮飯並兼職傳譯和寫作。出版了3本關於佢係瑞典生活的書：《幸福在最北》、《親愛的給幸福加口甜》及《近乎生活在天堂》。

Elco Kan ，簡杏芳, 小時候自覺沒有運動天份，運動不多， 大學畢業後從事廣告及marketing的相關工作。在偶然下，認識了運動發燒友的現任老公。因為愛，由唔運動變得戀上運動，再成功考取國際田聯一級教練的資格。在這10年間，成立了帶給小朋友運動的鐵人家族、成年人運動的慈善體能班以及專為女士而設的Miss Run；Miss Run到現在已有超過百位學員。在2021年更和老公一起聯同運動筆記合辦12 峰越野跑步賽。

近年越來越多人會為了找尋夢想而辭職或者轉行，Jasmine大學畢業便開始在傳媒工作，做周刊美容編輯， 10幾年來一直都做得很開心，完全沒有想過要轉行。但早幾年傳統紙媒迅速電子化，一路專注稿的她，突然要兼顧拍片和其他電子資訊，完全不是她想做的東西，於是決心裸辭，停一停，讓自己有空間思考將來的路向。

Uncle Siu 蕭叔叔為八十後，屯門長大，自少英文成績較差，但係憑着中五果一年比較勤奮好學, 依然成為尖子, 中學會考6A1B1C, A level 1A1B1C, 之後成功考入香港大學法律系, 考獲了PCLL 之後， 因為熱愛自由而放棄做律師, 選擇在中學兼職英文代課老師, 若干年後，搖身一變成為靚聲英語教練KOL，坐擁Facebook 50萬followers, IG 12萬followers, 主力撚狗同食澳牛。 今集英文系遇上 Uncle Siu， 大家暢談口音背後嘅意義。

我們經常會因為忙，因為沒有恆心，所以很難得才會有空間和時間去學習。但正因如此，我們特別珍惜每一次的學習機會。於是，Flo自修室就此誕生。在這裡，我們會跟大家分享最近學懂的新事物。今集，Lilian 會講解她重新學玩扭計骰的種種。

當面對重大決定的時候，有時都會感到徬徨無助，不知如何是好。在這些迷茫的時候，有人會求神，有人會問卜。但係求神問卜總予人一種很迷信的感覺，事實上又是否如此呢？LayLay 由最初對㙮羅占卜感興趣，發展到正式成為身心靈治療師，一直堅持不要盲目相信，而要理性認識各種療法的原理及應用方法，從而幫助自己，幫助别人。

香港小交響樂團CEO Margaret 生於日本, 長於香港, 能操四種流利語言： 英語、日語、普通話、廣東話, 以及半桶水的德語。 自少酷愛鋼琴及中提琴，入讀中大音樂系, 然候投身藝術行政，轉職英國後，再繼續進修藝術行政，後來又輾轉到劍橋修讀法律，繼而當上知識產權律師。 幾年後加入小交擔上CEO，重投藝術懷抱, 。Margaret是前亞洲文化推廣聯盟董事會成員, 現為音樂CMHK董事會成員，亦是英國著名Clore領袖培訓計劃首位香港獎學金得主。

雜誌人Peter Wong，黃源順，半生從事雜誌工作，曾在多本雜誌擔任總編輯及出版人，在中港台的文化圈子可謂無人不識，但個性謙厚的他，總是時常自嘲除了雜誌，其他的甚麼都不懂。Peter 說他的人生就像雜誌一樣，由封面到封底，循序漸進，每一個部份，每一個專題，都有自己的意義。在這次訪問中，Peter 罕有地跟我們分享他人生的幾個轉折點，以及他在這些經歷中所得到的啓發。

前社工、前編輯；前社工， 多年來一直只為別人而活， 40多歲毅然放下一切，搬回老家大嶼山水口村陪伴母親， 開始攝影、種植， 當上園藝治療師， 農夫及蜂農，跟伴侶過着上山下海的生活。歸園田居，只為自己而活, 做一直想做的事、或者從來沒有想過的事。

Carmen Suen
在香港筆耕多年後，Carmen於2003年決定遠走美國，重新認識自已。多年來過着半遊牧生活，住遍美國東南西北5個不同州份，現居波士頓鄰近小鎮，日間在當地一家大學從事市場推廣工作，晚上忙於周旋在家中一大兩小之間，難得找來時間讀書寫字，調節心理。首篇英文短篇小說FOURTEEN，刊於小說集HONG KONG NOIR (Akashic 2018) 一書中。